ཕྱི་ལོ་ ༢༠༢༣ ཟླ་ ༧ ཚེས་ ༢༦ ནས་ ༢༨ བར་ཉིན་གྲངས་ ༣ རིང་དབུ་སྣེ་ལེན་ཁང་དུ་ལས་བྱེད་འདེམས་བསྐོ་ལྷན་ཁང་གི་སྒོ་སྒྲིག་འོག་དབུ་ས་གཉིས་འཛོམས་ཀྱི་ལས་འཆར་ལས་བྱེད་རྣམས་ཀྱི་ནུས་པ་གོང་མཐོར་གཏོང་སླད་དམིགས་བསལ་ལས་འཆར་ཟབ་སྦྱོང་ཞིག་སྒོ་སྒྲིག་ཞུས་ཡོད། ཐོག་མ་དབུ་འོས་བསྡུ་ལྷན་ཁང་དང་འདེམས་བསྐོ་ལྷན་ཁང་གི་ཚོགས་གཙོ་སྐོུ་དཔེ་ཟུར་དབང་འདུས་ཚེ་རིང་ལགས་ནས་སྣང་གསལ་མར་མེ་ཞལ་ཕྱེ་དང་། དེ་རྗེས་ཟབ་སྦྱོང་བ་རྣམས་ནས་ངོ་སྤྲོད་དང་འབྲེལ་འདེམས་ལྷན་འབྲེལ་ལས་ཀརྨ་འཕྲིན་ལས་ལགས་ནས་ཟབ་སྦྱོང་གི་དགོས་པ་དམིགས་ཡུལ་དང་སློབ་ཚན་ངོ་སྤྲོད་གནང་མཚམས་འདེམས་ལྷན་ཚོགས་གཙོ་དཔེ་ཟུར་དབང་འདུས་ཚེ་རིང་ལགས་ནས་ཟབ་སྦྱོང་དང་འབྲེལ་བའི་གསུང་བཤད་གནང་ཡོད།