སྡེ་ཚན་གཉིས་ཀའི་ལས་བྱེད་རྣམས་ཚོད་ལྟའི་དུས་ཡུན་ཕུད་པའི་གནས་རིམ་གཅིག་ཏུ་མུ་མཐུད་ཞབས་ལོ་བདུན་ཧྲིལ་པོར་ལོན་པ་རྣམས་གནས་རིམ་གོང་མར་གནས་སྤར་བྱ་རྒྱུའི་འོས་ཆོས་ཚང་བ་ཡིན། ལོ་ལྟར་ཕྱི་ཟླ་དང་པོ་དང་བདུན་པ་སོ་སོར་ཞབས་ལོ་བདུན་ལོངས་པའི་གནས་རིམ་གཅིག་པའི་ལས་བྱེད་ཡོངས་རྫོགས་ཀྱི་འདས་མ་ཐག་པའི་ལོ་གསུམ་གྱི་གསང་སྙན་རེའུ་མིག་སྤྱི་དང་། ཁྱད་པར་གནས་སྤར་འོས་མིན་གྱི་རེའུ་མིག་ལ་ཞིབ་འཇུག་གིས་བརྗོད་ཚིག་ངན་པ་གཅིག་ཀྱང་མེད་པ་དང་། གནས་སྤར་འོས་པའི་རྒྱབ་གཉེར་ཡོད་རིགས་རྣམས་གནས་སྤར་བྱ་རྒྱུའི་མིང་ཐོ་རྒན་གཞོན་གྲལ་རིམ་གཞིར་བཟུང་གིས་བཟོས་ཏེ་གནས་རིམ་གོང་མར་གནས་སྤར་བྱ་རྒྱུ།
